සෞදි අරාබිය බ්රහස්පතින්දා සිය ජාතිකයින්ට සංචාරක අනතුරු ඇඟවීමක් කරමින් වහාම ලෙබනනය හැර යන ලෙස ඉල්ලා සිටි බව අල් අරාබියා වාර්තා කරයි.
සෞදි ජාතිකයන්ට ලෙබනනයට ගමන් කිරීමෙන් වළකින ලෙසද එම අනතුරු ඇඟවීමේ නිවේදනයේ දැක්වේ.
සෞදි අරාබියේ විදේශ කටයුතු අමාත්යාංශයේ මූලාශ්රයක් පැවසුවේ ලෙබනනයේ සංචාරය කරන හෝ පදිංචිව සිටින සෞදි ජාතිකයින්ට හැකි ඉක්මනින් රට හැර යන ලෙස ඉල්ලා සිටින බව සෞදි ප්රවෘත්ති ඒජන්සිය පවසයි.
ලෙබනනයේ වෙසෙන තම ජාතිකයින්ට වහා පිටව යන ලෙස බල කරමින් බහරේනය නොවැම්බර් 5 දා නිකුත් කරන ලද එවැනිම අනතුරු ඇඟවීමකින් පසුව මෙම නිවේදනය නිකුත් කෙරේ.
බහරේනයේ ඇමතුම පැමිණියේ ලෙබනන් අගමැති සාද් හරිරි සිය ඉල්ලා අස්වීම ප්රකාශ කිරීමෙන් දිනකට පසුවය.